کراچی : پولیس نے سولجر بازار میں سابق پولیس اہلکار جاوید بلوچ سمیت دو شہریوں کی مبینہ ٹارگٹ کلنگ کا مقدمہ درج کرلیا، مقدمہ مقتول جاوید بلوچ کے بھائی کی مدعیت میں درج کیا گیا۔
تفصیلات کے مطابق کراچی کے علاقے سولجربازارمیں ٹارگٹ کلنگ کے واقعے میں قتل ہونے والے جاوید بلوچ کے بھائی کی مدعیت میں مقدمہ درج کرلیا گیا ، مقدمہ قتل کی دفعہ302 کے تحت درج کیا گیا۔
مدعی خالد حسین کا کہنا ہے کہ میں سرکاری ملازمت کرتاہوں، بھائی آج ارشد پپو کیس کی شہادت کیلئے سینٹرل جیل گیا تھا، انسداد دہشت گردی عدالت سے واپسی پر نامعلوم ملزمان نے نشانہ بنایا۔
مدعی مقدمے نے بتایا کہ دوست نےفون پرجاویدبھائی کوگولی لگنےکی اطلاع دی بتایاگیاکزن مصدق کو بھی گولیاں مار کر ہلاک کردیا گیاہے، سول اسپتال پہنچ کر میں نے لاشوں کوشناخت کیا۔
دوسری جانب سولجربازارمیں سابق پولیس افسرسمیت 2 افراد کے قتل کی تفتیش جاری ہے ، پولیس نےمقتولین کےتعاقب کی تفصیلات بھی حاصل کرلیں۔
پولیس نے بتایا کہ جاویدبلوچ کا تعاقب ملزمان نےسینٹرل جیل سےشروع کیا، عدالتی پیشی کےبعدجاوید بلوچ اپنےدوست کےہمراہ 10بجکر8منٹ پر نکلاتھا۔
پولیس کے مطابق فوٹیجز میں ملزمان کو گرومندر کے قریب تعاقب کرتےدیکھا جاسکتا ہے اور فائرنگ کے بعد ملزمان تھانے والی گلی سے دھوبی گھاٹ کیجانب فرارہوئے۔
