کراچی: صوبہ سندھ میں ایک سے زائد چارج رکھنے والے یوسی سیکریٹریز کے خلاف ایکشن سامنے آیا، افسران کو اضافی چارج سے فارغ کرکے مراعات اور تنخواہیں روک دی گئیں۔
تفصیلات کے مطابق محکمہ بلدیات نے 88یوسی سیکریٹریز کو اضافی چارج سے فارغ کردیا۔ متعلقہ سیکریٹریز مختلف یوسیز میں اضافی چارج پر تعینات اور مراعات لے رہے تھے۔
محکمہ بلدیات نے اضافی مراعات، گاڑیاں واپس لینے اور تنخوائیں روکنے کا حکم دے دیا۔
محکمہ بلدیات نے پہلے بھی اضافی چارج اور مراعات لینے والوں کو وارننگ دی تھی۔ جن کے خلاف کارروائی کی گئی ان میں کراچی کے5، حیدرآباد کے 45 جبکہ سکھر کے9یوسی سیکریٹریز شامل ہیں۔
دریں اثنا میرپورخاص کے11، لاڑکانہ کے5 اور شہیدبینظیر آباد کے13افسران کے خلاف بھی ایکشن لیا گیا۔
