Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 لاہور میں کورونا کی تشویشناک صورتحال، کورونا مریضوں کیلئے مختص تمام بیڈزبھرگئے
لاہور : پنجاب میں کورونا کی تیسری لہر میں شدت آگئی ہے ، سب سے زیادہ کورونا کیسز لاہورسے رپورٹ ہوئے جبکہ اسپتال میں کورونا مریضوں کیلئے مختص تمام بیڈزبھرگئے۔
تفصیلات کے مطابق پاکستان میں کورونا کی تیسری لہر کی شدت میں تیزی آنے لگی ، ذرائع کا کہنا ہے کہ پنجاب میں سب سے زیادہ کورونا کیسز لاہورسے رپورٹ ہوئے، صوبے میں مجموعی کورونا کیسز میں سے 60 فیصد لاہور سے سامنے آئے۔
اسپتال ذرائع کا کہنا تھا کہ میو اسپتال میں کورونا مریضوں کیلئے مختص تمام بیڈزبھرگئے اور تمام 90 وینٹی لیٹرز پر مریض موجود ہیں۔
محکمہ صحت پنجاب کے مطابق 24 گھنٹےمیں پنجاب میں 1137 کیسز سامنے آئے، اس دوران صرف لاہور میں 671 کیسز رپورٹ ہوئے۔
خیال رہے 24 گھنٹے میں ملک میں کورونا کے 61 مریض انتقال کرگئے ، جس کے بعد اموات کی مجموعی تعداد 13 ہزار 717 ہوگئی۔
این سی او سی کا کہنا تھا کہ ایک دن میں مزید تین ہزار چار 95 کرونا کیسز رپورٹ ہوئے، جس کے بعد کورونا کے مثبت کیسز کی تعداد 6 لاکھ 15 ہزار 810 ہوگئی۔
