سندھ ہائیکورٹ: اہلیہ کے قتل میں ملوث شوہر کی اپیل مسترد

کراچی: سندھ ہائیکورٹ نے اہلیہ کے قتل میں ملوث شوہر کی سزا کے خلاف اپیل مسترد کردی، اپیلیٹ بینچ نے ملزم کی پھانسی کی سزا کو عمر قید میں تبدیل کردیا تھا۔

تفصیلات کے مطابق سندھ ہائیکورٹ میں اہلیہ کے قتل میں ملوث شوہر کی سزا کے خلاف اپیل کی سماعت ہوئی، 2 رکنی عدالتی بینچ نے محفوظ کیا گیا فیصلہ سنا دیا۔

عدالت نے ملزم روؤف الدین کی سزا کے خلاف اپیل مسترد کردی، اپیلیٹ بینچ نے ملزم کی پھانسی کی سزا کو عمر قید میں تبدیل کردیا تھا۔

مذکورہ ملزم نے جون 2016 میں 26 سالہ اہلیہ کو تشدد کر کے ہلاک کر دیا تھا، ملزم کے خلاف مقدمہ خواجہ اجمیر نگری تھانے میں درج تھا۔