پشاور : وفاقی وزیر دفاع پرویزخٹک کے بھائی ایم پی اے لیاقت خٹک نے پی ٹی آئی چھوڑنے کا فیصلہ کرتے ہوئے جے یو آئی میں شمولیت کا اعلان کردیا۔
تفصیلات کے مطابق خیبرپختونخوا سے پی ٹی آئی کو بڑا دھچکا لگا، وفاقی وزیر دفاع پرویزخٹک کے بھائی ایم پی اے لیاقت خٹک کاپی ٹی آئی چھوڑنے کا فیصلہ کرلیا۔
ایم پی اے لیاقت خٹک آج فضل الرحمان کی موجودگی میں باضابطہ طور پر جمعیت علمائے اسلام جے یو آئی ف میں شمولیت کا اعلان کریں گے۔
یاد رہے چند روز قبل پرویز خٹک کے بھائی اور رکنِ خیبر پختونخوا اسمبلی لیاقت خٹک نے جے یو آئی ف کے سربراہ مولانا فضل الرحمان سے ملاقات کی تھی۔
خیال رہے لیاقت خٹک پی ٹی آئی کے ٹکٹ پر پی کے 64 سے رکن خیبرپختونخوا اسمبلی منتخب ہوئے تھے۔
بعد ازاں خیبرپختونخوا کے وزیر اعلیٰ محمود خان نے اکتوبر 2021 میں پی کے 63 کے ضمنی انتخاب میں پارٹی پالیسی کی خلاف ورزی کرنے پر کے پی کے وزیر آبپاشی خٹک کو ہٹا دیا تھا۔
کامران بنگش کا کہنا تھا کہکہ لیاقت خٹک نے نوشہرہ ضمنی انتخاب کے دوران پاکستان مسلم لیگ نواز (پی ایم ایل این) کے امیدوار کی حمایت کی اور پی ٹی آئی امیدوار کے خلاف مہم چلائی۔
