پاک فوج کے زیراہتمام چولستان میں میڈیکل کیمپ کا انعقاد

0


راولپنڈی: پاک فوج کے شعبہ تعلقات عامہ(آئی ایس پی آر) کا کہنا ہے کہ آرمی کے زیراہتمام چولستان میں میڈیکل آئی سرجیکل کیمپ کا انعقاد کیا گیا جہاں مفت علاج ہوا۔

تفصیلات کے مطابق آئی ایس پی آر کا کہنا ہے کہ ڈاکٹرزٹیم نے چولستان میں مریضوں کا طبی معائنہ کیا، آرمی کی جانب سےاحمدپورشرقیہ، چنن پیر اوردین گڑھ میں کیمپ لگائے گئے۔

آئی ایس پی آر کے مطابق موبائل ہیلتھ یونٹ ایکسرے اور لیب سہولتوں سے لیس تھے۔

پاک فوج نے بتایا کہ مریضوں کا لیزر کےذریعے آنکھوں کا مفت علاج کیاگیا، کیمپس میں500سے زائد مفت سرجیکل لیزرآپریشن کیے گئے، 5ہزار کے قریب مریضوں میں عینک تقسیم کی گئیں۔

خیال رہے کہ فوج کی جانب سے اس طرح کے میڈیکل کیمپس مختلف علاقوں میں منعقد کیے جاتے رہے ہیں۔

ملک میں قدرتی آفات جیسے زلزلہ یا سیلاب کے دوران بھی عوام کی خدمت کے لیے پاک فوج پیش پیش رہتی ہے۔

LEAVE A REPLY