ن لیگ کی 100 ملین ڈالر کی نئی جائیدادوں کی تہلکہ خیزگوئی پیش ، اگلے3 ماہ انتہائی اہم قرار

0


لاہور  وفاقی وزیر داخلہ شیخ رشید احمد نے کہا کہ سینٹ انتخابات میں پنجاب میں سیٹ کم ہونے کے بجائے ایک سیٹ بڑھے گی۔لاہور میں پریس کانفرنس کرتے ہوئے شیخ رشید احمد نے کہا عمران خان سے کوئی پیچھے نہیں ہٹ رہا، سینٹ الیکشن میں تحریک انصاف کی ایک آدھی سیٹ بڑھے گی۔انہوں نے کہا براڈ شیٹ پر جسٹس عظمت ان کو قبول نہیں ہے تو بتائیں کون قبول ہے ،جسٹس افتخار قبول ہے ، جسٹس قیوم قبول ہے ، جسٹس عظمت سعید ایک غیرمعمولی جج ہیں جن کا بہترین ریکارڈ ہے ۔شیخ رشید احمد نے کہا اس کیس

کا بڑے پیمانے پر فیصلہ ہونا ہے ، ابھی اس کیس میں سے چیزیں نکلنی ہیں، 45 دن سے تین مہینے میں اس کے حقائق سامنے آئیں گے ، آخر میں فیصلہ ہوگا کہ اس کیس نے کیا رخ اختیار کرنا ہے ۔وزیر داخلہ نے کہا کہ مسلم لیگ(ن) کی 85 سے 100 ملین ڈالر کی نئی جائیدادیں سامنے آنے والی ہیں اور اگر کسی نے جرم کیا ہے تو اس کا تعلق چاہے کسی بھی طرف سے کیوں نہ ہو، اس کو پھکی ملنی چاہئے ، اربوں روپے نیب میں جمع کرانے اور پھر سپریم کورٹ کے ذریعے واپس لینے والے بے نقاب ہونے جارہے ہیں۔انہوں نے مزید کہا فضل الرحمٰن ویسے ہی ان کے پیچھے لگے ہوئے ہیں، وہ خراب ہوں گے ۔انہوں نے کہا لانگ مارچ آئین اور قانون کے دائرے میں ہوا تو ہم بھی ان کے لئے کوئی مسئلہ پیدا نہیں کریں گے ، جس طرح سے وہ الیکشن کمیشن پر آئے ہیں ،اگر اس طرح آئیں گے تو کوئی مسئلہ نہیں ۔ایک اور سوال کے جواب میں شیخ رشید احمد نے کہا بلاول بھٹو بالغ ہو گئے ہیں، انہوں نے ٹھیک کہا ہے کہ ان جلسوں سے کوئی نتیجہ نہیں نکلا ، تحریک عدم اعتماد ہی واحد راستہ ہے اور جب آدمی سچ بولنے لگتا ہے تو لاہور کا میڈیا کے اس راستے میں رکاوٹیں کھڑی کرتا ہے ۔انہوں نے کہا شہباز شریف کا کیس سنجیدہ نوعیت کا ہے اور اس میں شہادتوں پر منحصر ہے کہ کیس کا کیا نتیجہ نکلے گا۔نجی ٹی وی کے مطابق شیخ رشید نے کہا براڈشیٹ سے ابھی بہت سی چیزیں نکلنی ہیں، 100 ملین ڈالرز کی مزید جائیدادیں سامنے آرہی ہیں۔

LEAVE A REPLY