اسلام آباد: اگلے مالی سال کے لیے وفاقی بجٹ آج پیش کیا جائے گا، 8 ہزار ارب روپے کا بجٹ وفاقی وزیر خزانہ شوکت ترین پیش کریں گے۔
تفصیلات کے مطابق وفاق نے اگلے مالی سال کیلئے ترقیاتی بجٹ میں 36.4 فیصد کا اضافہ کردیا ہے، آئندہ بجٹ میں وفاقی ترقیاتی پروگرام کیلئے 900 ارب روپے مختص کرنے کی تجویز ہے۔
دستاویزات کے مطابق پنجاب کیلئے ترقیاتی بجٹ میں اگلے مالی سال کے دوران 190 ارب روپے اضافے کی توقع ہے، سندھ کا ترقیاتی بجٹ 194 ارب روپے سے بڑھا کر 321 ارب روپے مقرر کئےجانے کا امکان ہیں جبکہ اگلے مالی سال بلوچستان کے ترقیاتی بجٹ میں 44 ارب روپے کا اضافہ متوقع ہے۔
بجٹ دستاویزات کے مطابق اگلے مالی سال کیلئے خیبر پختونخوا کے ترقیاتی بجٹ میں 26 ارب روپے کی کمی کردی گئی ہے، رواں مالی سال میں کےپی کاترقیاتی بجٹ 274 ارب تھا جو کہ اب کم کرکے 248ارب روپےمقرر کردیا گیا ہے۔
