لاہور : آمدن سے زائد اثاثہ جات کیس میں اپوزیشن لیڈر شہباز شریف نےدرخواست ضمانت دائرکرنےکی اجازت دےدی ، درخواست ضمانت جلد دائر کی جائے گی۔
تفصیلات کے مطابق اپوزیشن لیڈر شہبازشریف کی آمدن سے زائد اثاثہ جات کیس میں درخواست ضمانت تیارکرلی گئی ، پیشی کےدوران شہبازشریف کو درخواست ضمانت پڑھائی گئی۔
جس کے بعد شہبازشریف نے درخواست ضمانت دائر کرنے کی اجازت دیتے ہوئے کمرہ عدالت میں وکالت نامے پر دستخط کردیے۔
ذرائع کا کہنا ہے کہ شہبازشریف کی درخواست ضمانت جلد لاہورہائی کورٹ میں دائرکی جائے گی۔
یاد رہے احتساب عدالت لاہور نے آمدن سے زائد اثاثے کیس میں شہباز شریف کو میڈیکل رپورٹ دینے اور کورونا ویکسین لگوانے کے لیے دو روز میں انتظامات کرنے کا حکم دیا تھا۔
خیال رہے گذشتہ سال ستمبر میں لاہور ہائی کورٹ کی جانب سے عبوری ضمانت مسترد ہونے کے بعد نیب حکام نے شہبازشریف کو گرفتار کرلیا تھا۔
