علامہ اقبال کی والدہ کے نام پرجی سی یونیورسٹی کے نئے کیمپس کا سنگ بنیاد رکھ دیا گیا

سیالکوٹ :علامہ اقبال کی والدہ کے نام پر جی سی یونیورسٹی کے نئے کیمپس کا سنگ بنیاد رکھ دیا گیا، معاون خصوصی عثمان ڈار نے کہا سیاستدانوں کی اپنے والدین کے نام ترقیاتی منصوبوں کی روایت ختم کررہا ہوں۔

تفصیلات کے مطابق سیالکوٹ میں ترقیاتی منصوبوں کوٹیکس دہندگان کےنام سے منسوب کرنے کی منفردمہم جاری ہے ، مہم میں علامہ اقبال کی والدہ کے نام پر یونیورسٹی کے نئے کیمپس کا سنگ بنیاد رکھ دیا گیا۔

آج سیالکوٹ میں یونیورسٹی کے نئے کیمپس کا روڈ سنگ بنیاد شہر کے سب زیادہ ٹیکس پیئرز سے رکھوایا گیا! یونیورسٹی کو کسی سیاسی شخصیت کی بجائے علامہ اقبال کی والدہ امام بی بی کے نام سے منسوب کیا گیا ہے! عوامی ٹیکس کے پیسے سے اپنی یا خاندانی سیاست کی تشہیری روایت ختم ہونی چاہیئے! pic.twitter.com/qEchnRFZYg

— Usman Dar (@UdarOfficial) June 2, 2021

جی سی یونیورسٹی کیمپس کا سنگ بنیاد سب سے زیادہ ٹیکس دینے والے شہری نے رکھا، سیالکوٹ کیمپس کو سیاسی شخصیات کےبجائے علامہ اقبال کی والدہ امام بی بی کےنام سےمنسوب کیا گیا ہے۔

معاون خصوصی عثمان ڈار نے ترقیاتی منصوبوں پر اپنا نام نہ لکھنے کا اعلان کرتے ہوئے کہا کہ سیالکوٹ کے ہر نئے منصوبے پر ٹیکس پیئر کے نام کی تختی لگا ئی، سیاستدانوں کی اپنے والدین کے نام ترقیاتی منصوبوں کی روایت ختم کررہا ہوں۔

عثمان ڈار کا کہنا تھا کہ سیالکوٹ عوام کے پیسے سے ذاتی ،خاندانی سیاست کی تشہیر نہیں کی جاسکتی، خواجہ آصف نے ترقیاتی منصوبوں کوخاندان کےافراد کےنام سےمنسوب کیا، میڈیکل کالج کا نام بدل کر اپنے والد کے نام سے منسوب کرلیا۔

معاون خصوصی نے مزید کہا کہ یونیورسٹی کیمپس کسی سیاستدان نہیں علامہ اقبال کی والدہ کےنام پرتعمیرہوگا، کیمپس کاافتتاح میں نے نہیں سب سے زیادہ ٹیکس پیئر تاجر نے کیا، سیاسی اختلافات سے بالاتر ہرکراچھی روایات شروع کرنےکی ضرورت ہے۔