Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 عالمی ٹیکنالوجی ادارے کی پاکستان میں بھاری سرمایہ کاری
اسلام آباد: وفاقی وزیر انفارمیشن ٹیکنالوجی سید امین الحق کی کاوشوں کے سبب ایریکسن نے پاکستان میں 31 ملین ڈالرز کی سرمایہ کاری کردی، رقم ٹیکنالوجی ٹریننگ اور فائیو جی ریسرچ اینڈ ڈویلپمنٹ پر خرچ ہوگی۔
تفصیلات کے مطابق وفاقی وزیر انفارمیشن ٹیکنالوجی سید امین الحق کی کاوشیں رنگ لے آئیں، ایریکسن نے پاکستان میں 31 ملین ڈالرز کی سرمایہ کاری کردی۔
براہ راست بیرونی سرمایہ کاری کی مد میں رقم پاکستان منتقل کردی گئی۔
وفاقی وزیر امین الحق کا کہنا ہے کہ ایریکسن یہ رقم ٹیکنالوجی ٹریننگ، فائیو جی ریسرچ اینڈ ڈویلپمنٹ پر خرچ کرے گا، عالمی ادارے کی سرمایہ کاری سے روزگار کے مواقع پیدا ہوں گے۔
انہوں نے کہا کہ فارن ڈائریکٹ انویسٹمنٹ عالمی اداروں کے پاکستان پر اعتماد کا اظہار ہے، آئی ٹی و ٹیلی کمیونیکیشن وہ شعبہ ہے جس میں وسیع مواقع ہیں۔
وفاقی وزیر کا کہنا تھا کہ بیرونی سرمایہ کاروں کو تعاون اور سہولیات کی فراہمی کا یقین دلایا ہے، آئی ٹی و ٹیلی کام سیکٹر کو جتنی مراعات دی جائیں گی اس کا چار گنا کما کر دیں گے۔
انہوں نے مزید کہا کہ ڈیجیٹل پاکستان ویژن کی تکمیل اس شعبے پر خصوصی توجہ سے مشروط ہے۔
