راولپنڈی: مضر صحت دودھ بیچنے پر2 دکانیں سیل
پنجاب فوڈ اتھارٹی نے راول پنڈی میں مضر صحت دودھ بیچنے پر 2 ڈیری ساپس کو سیل کردیا۔
پنجاب فوڈ اتھارٹی کے حکام کے مطابق سیل کی گئی دکانوں میں مضر صحت دودھ اسٹور اور فروخت کیا جا رہا تھا۔ دوسری جانب ناقص رنگوں اور کیمیکلز سے مٹھائیاں بنانے پر بھی مٹھائیوں کی دکانیں سیل کردی گئی ہیں۔
متعلقہ ادارے کی جانب سے دکان داروں پر جرمانہ بھی عائد کیا گیا ہے، جب کہ ناقص انتظامات کی وجہ سے 10 فوڈ پوائنٹس پر بھی بھاری جرمانہ عائد کیا گیا ہے۔
معمولی نقائص پر 66 فوڈ پوائنٹس کو وارننگ نوٹسز جاری کیے گئے ہیں۔
واضح رہے کہ اس سے قبل بھی ضلعی انتظامیہ اور فوڈ اتھارٹی کی جانب سے جڑواں شہروں میں کارروائی کے دوران متعدد دکانوں ، ریسٹورنٹس اور اسٹورز کو خلاف ورزی پر سیل کیا گیا ہے۔ عالمی وبا کرونا کے باعث حکومت کی جانب سے سختی سے ایس او پیز پر عمل درآمد کی ہدایت کی گئی ہے۔
کراچی میں ٹیسٹ میچ: 9دن کیلئے متعدد سڑکیں بند
پاکستان اور جنوبی افریقہ کے درمیان کرکٹ میچ کی سیکورٹی سے متعلق ریہرسل کی گئی، نیشنل اسٹیڈیم آنے والے راستے بند کردیے گئے جس کے باعث شہر کے کئی مقامات پر ٹریفک کی روانی شدید متاثر رہی۔
پاکستان اور جنوبی افریقہ کے درمیان ہونے والے کرکٹ میچ کے حوالے سے سیکورٹی ریہرسل کا انعقاد گزشتہ روز ہوا جبکہ اس موقع پر نیو ٹاؤن، حسن اسکوائر، کارساز اورگلشن جمال سے نیشنل اسٹیڈیم جانے والے تمام راستے مکمل طور پر بند کردیے گئے۔
ٹیم پریکٹس ابھی شروع نہیں ہوئی لیکن اسٹیڈیم کے اطراف کی دکانیں بند کرانے کی پریکٹس شروع۔ pic.twitter.com/9MTp0q5Q3p
— Rasheed shakoor (@rasheedshakoor) January 21, 2021