لاہور: صوبائی دارالحکومت میں میاں بیوی اور ان کی بیٹی کا سفاکانہ قتل ہوا ہے۔
اےآر وائی نیوز کے مطابق لاہور کے علاقے نواب ٹاؤن میں تہرے قتل کی لرزہ خیز واردات ہوئی ہے، جہاں نامعلوم ملزمان نے دو خواتین سمیت تین افراد کو قتل کردیا ہے۔
پولیس کے مطابق تینوں افراد کو ہاتھ پاؤں باندھ کر قتل کیا گیا، قتل ہونے والوں میں میاں بیوی اور ان کی بیٹی شامل ہے، مقتولین کی شناخت امانت علی، شبانہ اور ازل کےنام سےہوئی۔
