Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 بجلی صارفین کو ایک بار پھر زوردار کرنٹ لگانے کی تیاری
اسلام آباد : آئی ایم ایف کی شرط پر ایک بار پھر بجلی کی قیمت میں اضافے کی تیاری کی جا رہی ہے، بجلی کے بنیادی ٹیرف میں مزید95 پیسے تک فی یونٹ اضافے کی تجویز دی گئی ہے۔
تفصیلات کے مطابق حکومت نے بجلی صارفین کو ایک بار پھر زور کا کرنٹ لگانے کا پلان بنالیا، وزارت توانائی نے گھریلو صارفین کیلئے بجلی مزید مہنگی کرنے کی درخواست کردی۔
اس حوالے سے ذرائع کا کہنا ہے کہ نیپرا کو کی گئی درخواست میں ماہانہ200یونٹ تک بجلی استعمال کرنے والوں کی بجلی مہنگی نہ کرنے کی تجویز بھی دی گئی ہے۔
ذرائع کے مطابق باقی سب سلیبز کیلئے فی یونٹ بجلی8پیسے سے95پیسے تک مہنگی کرنے کی تجویز ہے اس کے علاوہ 100یونٹ استعمال تک فی یونٹ8پیسےاضافے کی تجویز ہے۔
نیپرا ذرائع کا کہنا ہے کہ 100سے200یونٹ کے استعمال تک فی یونٹ18پیسے اضافے اور201سے300یونٹ تک استعمال پر فی یونٹ48پیسے اضافے کی تجویز دی گئی ہے۔
301سے700یونٹ تک فی یونٹ 95پیسے اضافے کی تجویز دی گئی ہے، بنیادی ٹیرف میں اضافے سے سالانہ20ارب روپے کی سبسڈی ختم کی جائے گی۔
مجموعی طور پر 20 ارب روپے کی سبسڈی ختم کرنے کی تجویز ہے، نیپرا سے کی گئی درخواست میں ایک سلیب کا فائدہ ختم کرنے کی تجویز بھی دی گئی ہے۔
نیپرا کے مطابق درخواست کی24جنوری کوسماعت کی جائے گی، سماعت کے بعد قیمت میں اضافے کا فیصلہ کیا جائے گا۔
