کراچی: معاوضے کی خاطر تین ہٹی پر درجنوں جھونپڑیوں کو آگ لگانے کا انکشاف

کراچی : شہر قائد میں معاوضے کی خاطر تین ہٹی پر درجنوں جھونپڑیوں کو آگ لگانے کا انکشاف سامنے آیا ، پولیس نے بتایا لیاری ندی ہندو پاڑہ بستی کے 4 نوجوانوں نے آگ لگائی۔

تفصیلات کے مطابق ایس ایس پی سینٹرل ملک مرتضیٰ نے میڈیا سے گفتگو کرتے ہوئے کہا کہ تین ہٹی پر لگنے والی آگ خود لگائی گئی تھی ، آگ معاوضے کی خاطر لگائی ، سپرمارکیٹ پولیس نے آگ لگانےمیں ملوث نوجوان کو گرفتار کرلیا ہے۔

ملک مرتضیٰ کا کہنا تھا کہ ملزم فہد نے اپنے اوردیگر3ساتھیوں کی مددسےآگ لگائی تھی، آگ سے درجنوں جھونپڑیاں اور سامان جل کر راکھ ہوگیا تھا، مفرور ملزمان میں ساگر، کیول اور وجے شامل ہیں۔

ایس ایس پی سینٹرل نے کہا کہ آگ لگانے والے چاروں نوجوان جھونپڑپٹی میں ہی رہتے ہیں، آگ لگنے کے بعد معاوضہ ملنے کی خاطر کارروائی کی گئی،جلد دیگر ملزمان کو بھی گرفتار کرلیا جائے گا۔

دوسری جانب معاوضے کی خاطر تین ہٹی پرجھونپڑیوں کو آگ لگانے کے معاملے پر گرفتارملزم فہدکاویڈیوبیان بھی سامنے آگیا ہے ، فہد نے بیان میں کہا کہ
کراچی:ہم 4بندے وجے ، کیول اورساگر ساتھ تھے، ساگر سے گیس کی بوتل منگوائی، کیول نے کہا پچھلی سردیوں میں بھی آگ لگنے پر امداد ملی تھی، کہاگیااس باربھی سردی آگئی ہے آگ لگاتے ہیں۔

ملزم کا کہنا تھا کہ تینوں افراد جھگیوں کے رہنے والے تھے، امداد ملنے کے چکر میں آگ لگائی گئی اوت آگ لگا کر ہم لوگ شور مچاتے ہوئے باہرنکلے، ہم نےشورمچایاکہ آگ لگ گئی تاکہ جانی نقصان نا ہو۔

پولیس حکام نے بتایا ملزمان کے خلاف 2روزقبل مقدمہ درج کیاگیا، مقدمہ سرکار کی مدعیت میں درج ہوا تھا، آگ لگنے سے 250 کےقریب جھونپڑیاں جلی تھیں، لیاری ندی ہندوپاڑہ بستی کے4نوجوانوں نے آگ لگائی تھی،پولی