Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 بلوچستان میں گزشتہ روز کرونا وائرس کا کوئی کیس رپورٹ نہیں ہوا
کوئٹہ: صوبہ بلوچستان میں گزشتہ 24 گھنٹے میں کرونا وائرس کا کوئی کیس رپورٹ نہیں ہوا، وزیر اعلیٰ بلوچستان نے کرونا کیسز کی صفر شرح پر اظہار اطمینان کیا ہے۔
تفصیلات کے مطابق محکمہ صحت بلوچستان کا کہنا ہے کہ صوبے میں گزشتہ 24 گھنٹے میں کرونا وائرس کا کوئی کیس رپورٹ نہیں ہوا، صوبے میں کرونا وائرس کے 294 ٹیسٹ کیے گئے جو تمام منفی نکلے۔
وزیر اعلیٰ بلوچستان نے کرونا کیسز کی صفر شرح پر اطمینان کا اظہار کرتے ہوئے کہا ہے کہ عوام ایس او پیز کا خیال رکھتے ہوئے احتیاط جاری رکھیں۔
محکمہ صحت کا کہنا ہے کہ بلوچستان میں کرونا وائرس کیسز کی مجموعی تعداد 32 ہزار 471 ہے۔
یاد رہے کہ ملک بھر میں بھی کرونا کیسز کی مثبت شرح کم ترین سطح پر برقرار ہے، گزشتہ 24 گھنٹے میں کرونا وائرس سے 176 کیسز رپورٹ ہوئے جس کے بعد کرونا وائرس کے مجموعی کیسز کی تعداد 12 لاکھ 84 ہزار 365 ہوگئی۔
گزشتہ 24 گھنٹے میں کرونا وائرس کے مزید 9 مریض جاں بحق ہوئے، ملک میں کووڈ 19 سے مجموعی اموات کی تعداد 28 ہزار 718 ہوگئی۔
