Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 سندھ میں نومولود بچے اور ماں کے لیے مفت سہولتوں کا پروگرام
کراچی: سندھ میں ماں اور نوزائیدہ بچے کے لیے مفت سہولتوں کے پروگرام کا انعقاد ہوا، پروگرام کے تحت دوران حمل ماں کا مفت چیک اپ اور ایک ہزار روپے وظیفہ دیا جائے گا جبکہ بچے کی پیدائش سے 2 سال کی عمر تک دونوں کو سہولتیں دی جائیں گی۔
تفصیلات کے مطابق وزیر اعلیٰ ہاؤس میں ماں اور بچے کو مفت سہولتوں کے پروگرام کا انعقاد ہوا۔
تقریب سے خطاب کرتے ہوئے وزیر اعلیٰ سندھ سید مراد علی شاہ کا کہنا تھا کہ پائلٹ پروجیکٹ پہلے تھر پارکر اور عمر کوٹ اضلاع میں شروع کیا گیا۔ پروگرام کو دیگر اضلاع میں بھی شروع کیا جائے گا۔
وزیر اعلیٰ کا کہنا تھا کہ منصوبہ عالمی ادرہ صحت کے عین اصولوں کے شروع کیا جارہا ہے، سہولتیں ماں اور بچے کے لیے پہلے ایک ہزار دن تک ہوں گی۔ دوران حمل ماں کا مفت چیک اپ اور ایک ہزار روپے وظیفہ دیا جائے گا۔
انہوں نے کہا کہ پروگرام بچے کی پیدائش سے 2 سال کی عمر تک جاری رہے گا۔
وزیر اعلیٰ کا کہنا تھا کہ ماں کی رجسٹریشن کے لیے ایم آئی ایس سسٹم کی ایپ متعارف کروائی گئی ہے، ایپ کے ذریعے حاملہ خاتون کا مکمل کمپیوٹرائزڈ ریکارڈ بنتا جائے گا۔
