Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 وزیر خارجہ شاہ محمود قریشی سے آسٹریلین ہم منصب کا ٹیلی فونک رابطہ
اسلام آباد: وزیر خارجہ شاہ محمود قریشی سے آسٹریلین وزیر خارجہ کی ٹیلی فونک گفتگو ہوئی، دونوں وزرائے خارجہ نے تعلقات کو مزید مستحکم بنانے کے عزم کا اظہار کیا۔
تفصیلات کے مطابق وزیر خارجہ شاہ محمود قریشی سے آسٹریلین ہم منصب کا ٹیلی فونک رابطہ ہوا۔ دونوں وزرائے خارجہ کے درمیان دو طرفہ تعلقات پر تبادلہ خیال ہوا۔
گفتگو میں افغانستان کی ابھرتی صورتحال سمیت باہمی دلچسپی کے امور پر بھی تبادلہ خیال ہوا، وزیر خارجہ شاہ محمود قریشی کا کہنا تھا کہ پاکستان آسٹریلیا کے ساتھ دو طرفہ تعلقات کو خصوصی اہمیت دیتا ہے، پاکستان آسٹریلیا کے ساتھ دو طرفہ تعاون بڑھانے کا متمنی ہے۔
شاہ محمود قریشی کا کہنا تھا کہ پاکستان، افغانستان میں بد امنی کے باعث سب سے زیادہ متاثر ہوا ہے، افغانستان میں 40 سالہ جنگ کے بعد قیام امن کی امید پیدا ہوئی ہے۔ عالمی برادری افغان شہریوں کی معاونت کے لیے ٹھوس اقدامات اٹھائے۔
اہوں نے کہا کہ افغانستان کے حوالے سے چیلنجز کو ملحوظ خاطر رکھتے ہوئے فیصلے کرنا ہوں گے۔
وزیر خارجہ نے آسٹریلوی ہم منصب کو کابل سے انخلا میں پاکستانی معاونت سے بھی آگاہ کیا، وزیر خارجہ کا کہنا تھا کہ پاکستان نے 37 ممالک کے باشندوں کو افغانستان سے انخلا میں معاونت فراہم کی۔ آسٹریلیا میں مقیم پاکستانی دو طرفہ تعلقات کے استحکام کا مظہر ہیں۔
انہوں نے آسٹریلوی ہم منصب کو ٹریول ایڈوائزری پر نظر ثانی کی ضرورت پر بھی زور دیا۔ دونوں وزرائے خارجہ نے تعلقات کو مزید مستحکم بنانے کے عزم کا بھی اظہار کیا۔
وزیر خارجہ نے آسٹریلوی ہم منصب کو دورہ پاکستان کی دعوت بھی دی۔
