Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 پولنگ بوتھ میں خفیہ کیمروں کے معاملے کی شفاف تحقیقات کیلئے کمیٹی تشکیل
اسلام آباد : سیکریٹری سینٹ قاسم صمد نے پولنگ بوتھ میں خفیہ کیمروں کے معاملے کی تحقیقات کیلئے پارلیمانی کمیٹی تشکیل دے دی اور کہا کیمرے کے معاملے کی مکمل شفاف انکوائری ہوگی۔
تفصیلات کے مطابق سیکریٹری سینٹ قاسم صمد نے پولنگ بوتھ میں خفیہ کیمروں کے معاملے پر پارلیمانی کمیٹی تشکیل دیتے ہوئے کہا کیمرے کے معاملے کی مکمل شفاف انکوائری ہوگی۔
وفاقی وزیرفواد چوہدری نے سماجی رابطے کی ویب سائٹ ٹوئٹر پرسیکریٹری سینیٹ کی جانب سے کیمروں پر کمیٹی بنانے کی تصدیق کرتے ہوئے کہا اس سے پہلے مصدق ملک ،مصطفی نوازوائرنگ کوکیمرےسمجھ کراکھاڑدیں۔
سیکرٹری سینٹ کیمروں پر کمیٹی بنا دیں اس سے پہلے کہ @DrMusadikMalik اور @Mustafa_PPP ساری وائرنگ کو کیمرے سمجھ کے اکھاڑ دیں ،
خیال رہے پولنگ بوتھ میں کیمروں کی تنصیب پر حکومت اپوزیشن آمنے سامنے ہیں ، مسلم لیگ ن کے مصدق ملک اور پیپلز پارٹی کے مصطفیٰ نوازکھوکھرنے ٹوئٹر پر تصاویر اورویڈیو شیئر کردی۔
ن لیگ کے رہنما مصدق ملک نے کہا پولنگ بوتھ میں دو کیمرے لگائے گئے، ایک لیمپ پڑا تھا جس میں بے شمار سوراخ تھے، پولنگ بوتھ کے سائیڈ پر ڈیوائس چپکی ہوئی تھی۔
پیپلز پارٹی کے مصطفیٰ نوازکھوکر کا کہنا تھا کہ اس کی ذمہ داری چیئرمین سینیٹ اور ان کے عملے پر ہے، مقصد الیکشن چوری کرنا تھا، چوری پکڑی گئی، ذمہ داروں کاتعین کرنا ہے۔
دوسری جانب وزیراطلاعات شبلی فرازنے اپوزیشن پر سینیٹرز کے پولنگ بوتھ میں کیمرہ لگانے کا الزام لگاتے ہوئے واقعےکی تہہ تک جانے اور کرداروں کو بے نقاب کرنے کا اعلان کردیا ہے۔
