کراچی میں بھتہ خوری کا منفرد واقعہ ، گولیاں مار کر بھتہ طلب

کراچی : سہراب گوٹھ تھانے میں گولیاں مار کر بھتہ طلب کئے جانے کے واقعہ کا مقدمہ درج کرلیا گیا ، مدعی نے بتایا بھائی کو گولیاں مار کر 50 لاکھ بھتہ طلب کیا گیا۔

تفصیلات کے مطابق کراچی میں بھتہ خوری کا منفرد واقعہ پیش آیا ، جہاں پہلے گولیاں ماریں پھر بھتہ طلب کیا گیا ، واقعے کا مقدمہ سہراب گوٹھ تھانے میں عمرشاہ کی مدعیت میں درج کرلیا گیا۔

ایف آئی آر میں جان سے مارنے کی کوشش، بھتہ خوری سمیت دیگردفعات شامل کی گئی ہے ، مدعی نے کہا 27 فروری کو2مسلح ملزمان موٹرسائیکل پر آئے اور بھائی کو گولیاں ماریں، شدید زخمی حالت میں بھائی کو اسپتال منتقل کیا۔

مدعی نے بتایا کہ 27 فروری کو ہی شام کونامعلوم شخص کا فون آیا، 50 لاکھ بھتہ طلب کیا،بھتہ خور نے کہا ابھی توٹانگ پر گولی ماری دوبارہ جان سے ماریں گے۔

مدعی مقدمے کا کہنا تھا کہ 1 مارچ کو پھر کال آئی کہا رقم دے دو ورنہ جان سے ماردیں گے، بھائی کو زخمی کرنے اور بھتہ طلب کرنے پر قانونی کارروائی کی جائے۔