Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 واٹس ایپ پیش کرے گا صارفین کے لیے منفرد سہولت، کام شروع
سان فرانسسکو: پیغام رسانی کے لیے استعمال ہونے والی موبائل ایپلیکیشن واٹس ایپ نے صارفین کے لیے ایک اور منفرد فیچر متعارف کرانے کا فیصلہ کرلیا۔
واٹس ایپ پر نظر رکھنے والے ادارے ڈبلیو اے بیٹا انفو کی رپورٹ کے مطابق واٹس ایپ صارفین کو ایک نئی سہولت فراہم کرنے پر کام شروع کردیا ہے۔
فیس بک کی زیرملکیت موبائل ایپلیکیشن واٹس ایپ نے ’سائن آؤٹ‘ فیچر پر کام شروع کیا ہے جس کے تحت صارف اپنی مرضی سے جہاں سے بھی چاہیے گا اکاؤنٹ کو لاگ آؤٹ کرسکے گا۔
لاگ آؤٹ کے بعد موبائل یا کمپیوٹر پر اس کی رسائی ختم ہوجائے گی اور پھر یہ دوبارہ آئی ڈی کی طرح لاگ ان کیا جاسکے گا۔
واٹس ایپ نے اس فیچر کی آزمائش شروع کردی ہے، جس کو کامیابی کے بعد دنیا بھر میں آئی او ایس اور اینڈرائیڈ آپریٹنگ سسٹم استعمال کرنے والے صارفین کے لیے پیش کیا جائے گا۔
اس وقت واٹس ایپ کے صارف کو اکاؤنٹ بند کرنے کے لیے اپنے موبائل سے ایپلیکیشن کو انسٹال یا اسے ڈیلیٹ کرنا پڑتا ہے، سائن آؤٹ فیچر آنے کے بعد صارف وقفے کے لیے صرف ایک بٹن کا استعمال کرے گا۔
ویب بیٹا انفو کی رپورٹ کے مطابق اس فیچر کے متعارف ہونے کے بعد صارف ایک اکاؤنٹ کو 4 مختلف ڈیوائسز پر باآسانی استعمال کرسکے گا، جس کے لیے اُسے بس انٹرنیٹ کی ضرورت درکار ہوگی۔
