Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 پرویز رشید نے کاغذات نامزدگی مسترد کیے جانے کا اقدام چیلنج کر دیا
لاہور: مسلم لیگ ن کے رہنما پرویز رشید نے کاغذات نامزدگی مسترد کیے جانے کا اقدام چیلنج کر دیا اور کہا الیکشن کمیشن کے اعتراض پر رقم جمع کرانے کے لیے تیار ہوں، کاغذات نامزدگی مسترد کرنے کا اقدام کالعدم قرار دیا جائے۔
تفصیلات کے مطابق مسلم لیگ ن کے رہنما پرویز رشید نے کاغذات نامزدگی مسترد کیے جانے کیخلاف ہائیکورٹ کے الیکشن ٹربیونل میں اپیل دائر کردی ، درخواست میں الیکشن کمیشن اور ریٹرننگ آفیسر کو فریق بنایا گیا ہے۔
درخواست میں پرویز رشید نے مؤقف اختتار کیا ہے کہ الیکشن کمیشن کے اعتراض پر رقم جمع کرانے کے لیے تیار ہوں ، ریٹرنگ آفیسر نے غیر قانونی طور پر کاغذات نامزدگی مسترد کیے، اعتراض دور کرنے لیے تگ و دو کی لیکن اعتراض دور نہیں کیے گئے۔
پرویز رشید کا کہنا ہے کہ 95 لاکھ رقم جمع کروانے کے لیے تیار مگر جمع نہیں کی گئی، پنجاب ہاؤس سے ڈیمانڈ کی گئی رقم کے چیک بھی تیار کیے گئے، رقم جمع کروانے سے متعلق بینک کی معلومات نہیں دی گئی۔
درخواست گزار نے کہا کہ ریٹرنگ آفیسر سے معلومات مانگی مگر کوئی معاونت نہیں کی گئی، حکومت جان بوجھ کر رقم وصول نہیں کر رہی ، استدعا ہے کہ آر او کا کاغذات نامزدگی مسترد کرنے کا اقدام کالعدم قرار دیا جائے۔
گزشتہ روز الیکشن کمیشن نے پی ٹی آئی کی جانب سے پرویز رشید کے کاغذات نامزدگی پر اعتراضات کو درست قرار دیتے ہوئے ان کے کاغذات نامزدگی مسترد کردئیے تھے، لیگی رہنما کے کاغذات نامزدگی پنجاب ہاؤس کے واجبات کی عدم ادائیگی پر مسترد کئے گئے۔
