کیماڑی میں زہریلی گیس پھیلنے سے اموات : محکمہ ماحولیات کی رپورٹ عدالت میں جمع

کراچی : محکمہ ماحولیات نے کیماڑی میں زہریلی گیس پھیلنےسےاموات سے متعلق رپورٹ جمع کرادی، عدالت نے ایس ایس پی کیماڑی کو رپورٹ کی روشنی میں کارروائی کا حکم دے دیا۔

تفصیلات کے مطابق سندھ ہائی کورٹ میں کیماڑی میں زہریلی گیس پھیلنےسےاموات کیس کی سماعت ہوئی، محکمہ ماحولیات نے عدالت میں رپورٹ جمع کرادی۔

عدالت نے آئی او سےاستفسار کیا آپ نےاےکلاس مقدمات کیوں ختم کردیے ؟ تفتیشی افسر نے بتایا کہ ایک شخص کاپوسٹ مار ٹم ہوا منشیات کی زیادہ مقدار کی وجہ سے موت ہوئی ، بقیہ لوگوں کاپوسٹ مارٹم نہیں ہواتھا۔

ایس ایس پی کیماڑی نے کہا محکمہ ماحولیات کی سفارشات کی روشنی میں کارروائی کریں گے، جس پر جسٹس امجدسہتو نے کہا بظاہر پولیس کی غفلت نظر آرہی ہے،2دن بعدنمونے حاصل کیے، متاثرین کےبیانات پربھی توجہ نہیں دی۔

جسٹس محمدعلی مظہر نے استفسار کیا اتنابڑا واقعہ ہوگیا ماحولیات کاادارہ پتہ نہیں کیاکررہا ہے؟ ڈائریکٹر ماحولیات نے بتایا کہ سویابین کی مقدار زیادہ پائی گئی تھی اس حوالےسےرپورٹ دےدی۔

عدالت نے کہا پولیس نےاپنی ذمے داری ادا نہیں کی ،تفتیش ہی ٹھیک نہیں ہوئی اور ایس ایس پی کورپورٹ کی روشنی میں کارروائی کا حکم دے دیا۔

بعد ازاں سندھ ہائی کورٹ میں سماعت 16مارچ تک ملتوی کردی گئی۔