Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 زمینوں کی غیرقانونی الاٹمنٹ اور کرپشن: سہیل انور سیال کے خلاف جاری انکوئری میں اہم پیش رفت
کراچی : صوبائی وزیرسہیل انورسیال کے خلاف جاری انکوئری کو انویسٹی گیشن میں تبدیل کردیا،نیب پراسیکیوٹر نے عدالت سے انویسٹی گیشن مکمل کرنے کیلئےمہلت طلب کرلی۔
تفصیلات کے مطابق سندھ ہائی کورٹ میں صوبائی وزیرسہیل انورسیال ودیگرکی درخواست ضمانت پرسماعت ہوئی ، صوبائی وزیرسہیل انورسیال،جمیل سومروودیگرملزمان عدالت میں پیش ہوئے۔
سہیل انور سیال کے خلاف جاری انکوئری میں اہم پیش رفت ہوئی ، نیب پراسیکیوٹر نے عدالت کو انکوائری میں پیش رفت سےآگاہ کرتے ہوئے بتایا کہ انکوائری کوانویسٹی گیشن میں تبدیل کردیا، انویسٹی گیشن مکمل کرنے کیلئےمہلت دی جائے۔
نیب پراسیکوٹر کا کہنا تھا کہ ملزم غلام اصغر ،بخت سیال بھی انکوئری میں شامل ہیں، لہذا تمام ملزمان کی درخواستوں کو یکجا کیا جائے ، جس پر عدالت نے تمام ملزمان کی درخواستوں کا یکجا کردیا۔
عدالت نے سہیل انورسیال،ظفر سیال،جمیل سومرو کی ضمانت میں31 مارچ تک توسیع کرتے ہوئے آئندہ سماعت پر نیب سے پیش رفت رپورٹ طلب کرلی اور ملزمان کی درخواست ضمانت کی سماعت 31 تک ملتوی کردی۔
خیال رہے نیب سہیل انورسیال ودیگر کیخلاف زمینوں کی غیرقانونی الاٹمنٹ ،کرپشن پرتحقیقات کررہا ہے۔
