کراچی : سٹی ریلوے تھانے کی پولیس ٹیم ٹرین میں خاتون سے اجتماعی زیادتی کے واقعے میں ملوث ملزمان کی گرفتاری کیلئےملتان پہنچ گئی۔
تفصیلات کے مطاب قٹرین میں خاتون سے اجتماعی زیادتی کے معاملے پر سٹی ریلوے تھانے کے شعبہ تفتیش کے انچارج انسپکٹر حبیب اللہ خٹک کی قیادت میں پولیس ٹیم ملزمان کی گرفتاری کیلئے ملتان پہنچ گئی۔
ممکنہ طور پر آج شام تک سٹی ریلوے پولیس کی ٹیم ملزمان کو لیکرکراچی روانہ ہوگی۔
ریلوے پولیس حکام نے بتایا کہ اجتماعی زیادتی میں ملوث ملزمان عاقب،زاہد اور زوہیب کو گرفتار کرکے ملتان کی مقامی عدالت میں پیش کیا جائے گا اور ملتان کی مقامی عدالت سے راہ داری ریمانڈ حاصل کر کے ملزمان کو کراچی منتقل کیا جائے گا۔
ملزمان کی کراچی منتقلی کیلئے قانونی تقاضوں کو بھی پورا کیا جائے گا، ملزمان سے تحقیقات کے بعد کچھ اور افراد کو بھی شامل تفتیش کیاجاسکتا ہے،
27مئی کو بہاؤ الدین ذکریا ایکسپریس میں ٹرین کے عملے کے تین افراد نے کراچی کی رہنے والی مسافر خاتون سے اجتماعی زیادتی کی تھی۔
یاد رہے ریلوےانتظامیہ نے ٹرین عملے کی خاتون سے اجتماعی زیادتی کے واقعے پر زکریاایکسپریس کوآپریٹ کرنے والے ٹھیکیدارکوشوکاز بھیجا تھا۔
سی ای اوریلوے فرخ تیمور کا کہنا تھا کہ ٹرینوں میں پرائیویٹ شعبہ کےملازمین کی دوبارہ پڑتال کی جائےگی، مسافروں کی حفاظت کیلئےکوئی سمجھوتہ نہیں کیا جائے گا۔
فرخ تیمور نے کہا تھا کہ ریلوےمحفوظ ترین ذریعہ سفرہےساکھ پرحرف نہیں آنےدیں گے، ایسے واقعات کی روک تھام کے لیے کنٹریکٹرز کو ہدایات دی گئی ہیں۔
یاد رہے 27مئی کو بہاؤ الدین ذکریا ایکسپریس میں ٹرین کے عملے کے تین افراد نے کراچی کی رہنے والی مسافر خاتون سے اجتماعی زیادتی کی تھی۔
