گوگل کروم استعمال کرنے والے صارفین کے لیے کارآمد فیچر

0


گوگل کے ویب براؤزر گوگل کروم میں ٹیب منیجمنٹ اکثر ڈیوائسز کے لیے بھاری ثابت ہوتی ہے، جتنی زیادہ ٹیبز کروم میں اوپن ہوں گی، یہ براؤزر اتنا زیادہ ڈیوائسز کی میموری کو استعمال کرے گا۔

اب اسی مشکل کو مدنظر رکھتے ہوئے گوگل نے کروم کے ٹیب منیجمنٹ کے مسئلے پر قابو پانے کے لیے کچھ نئے فیچرز کا اضافہ کیا ہے۔

ان میں سے ایک کروم کا گروپ ٹیبز کا فیچر ہے، جس کے لیے کم از کم 2 ٹیبز کو ایک ساتھ کر کے نیا گروپ بنایا جا سکتا ہے۔ اسی طرح کئی گروپس بنا کر ان میں اپنی پسند کی ویب سائٹس کا اضافہ کیا جاسکتا ہے۔

ہر گروپ کو ایک نام اور مخصوص رنگ بھی دیا جا سکتا ہے۔

تاہم یہ فیچر پھر بھی استعمال میں کچھ مشکل محسوس ہوتا ہے، تو گوگل نے کروم کے نئے ورژن میں ایک اور فیچر اسکرول ایبل ٹیبز کا اضافہ کیا ہے۔

یہ تمام صارفین کو دستیاب تو نہیں مگر اس کو ٹیسٹ ضرور کیا جاسکتا ہے جس کے لیے ایک ٹیب اوپن کرکے chrome://flags انٹر کریں، جہاں کروم مینیو میں اسکرول ایبل ٹیب اسٹروپ کو ان ایبل کردیں، جس کے بعد براؤزر ری اسٹارٹ ہوجائے گا۔

اس فیچر کو ایکٹو کرنے کے بعد آپ ٹیبز کو اسکرول کرسکیں گے۔

گوگل کا کہنا ہے کہ یہ نئے فیچرز صارفین کے لیے کارآمد ثابت ہوں گے۔

LEAVE A REPLY

Please enter your comment!
Please enter your name here