محکمہ اوقاف سندھ نے کراچی سمیت سندھ بھر میں مزارات اور دیگر درگاہوں کو کھولنے کا اعلان کردیا۔
محکمہ اوقاف سندھ کی جانب سے 2 فروری کو جاری بیان کے مطابق سندھ بھر میں مزارات سمیت تمام درگاہیں 3 فروری سے کھول دی جائیں گی۔
سہیل انور سیال کا کہنا تھا کہ مزارات کیلئے بنائے گئی ایس او پیز پر سختی سے عمل کرنا ہوگا۔ اس موقع پر عوام سے اپیل ہے کہ وہ سماجی رابطے اور صفائی کا خیال رکھیں۔
سندھ میں لعل شہباز قلندر، شاہ لطیف بھٹائی سمیت ديگر مزارات 3 فروری سے کھول دیئے جائیں گے۔
واضح رہے کہ کرونا وائرس کی دوسری لہر اور بڑھتے کیسز کے باعث گزشتہ سال نومبر میں صوبے بھر کے مزارات اور درگاہوں کو 31 جنوری 2021 تک بند رکھنے کا حکم جاری کیا گیا تھا۔
