کراچی: شہر قائد میں ذہنی معذور کھلاڑی کو مبینہ طور پر اغوا کے بعد پر اسرار طور پر قتل کردیا گیا ہے۔
تفصیلات کے مطابق کراچی میں ذہنی معذور کھلاڑی کا پراسرار قتل نے کئی سوالات کو جنم دیا ہے، کھلاڑی کی شناخت عبیداللہ کے نام سے ہوئی ہے، مقتول عبید اللہ پیرا تائی کوانڈو کے کراچی چیمپئن بھی رہے۔
مقتول عبیداللہ کے والد نے اے آر وائی نیوز کے نمائندہ خصوصی شعیب جٹ کو بتایا کہ عبیداللہ کو گزشتہ ماہ مومن آباد سے اغوا کیا گیا، چار دن بعد عبیداللہ گلستان جوہرسے زخمی حالت میں ملا، میرے بیٹے کو شدید تشدد کا نشانہ بنایا گیا اور اس کے سر پر کئی وار کرتے ہوئے شدید زخمی کیا گیا۔
مقتول کے والد نے انتہائی دل گرفتہ گفتگو کرتے ہوئے بتایا کہ میرا بیٹا گذشتہ ایک ماہ سے جناح اسپتال میں زیر علاج رہا اور آج زخموں کی تاب نہ لاتے ہوئے دم توڑ گیا۔
کراچی میں اسپیشل چیمپئن کھلاڑی کا پراسرار قتل۔۔۔۔ افسوسناک ۔ خوفناک ۔ شرمناک
— Shoaib Jatt (@Shoaib_Jatt) April 4, 2021