Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 کرائے کے قاتلوں سے نجی ٹی وی کے صحافی کو قتل کروایا گیا، ابتدائی رپورٹ میں انکشاف
لاہور : پنجاب کے دارلحکومت لاہور میں نجی ٹی وی رپورٹر حسنین شاہ کے قتل کے واقعے کی ابتدائی رپورٹ میں انکشاف کیا گیا ہے کہ حسنین شاہ کو کرائے کے قاتلوں کی مدد سے قتل کروایا گیا۔
تفصیلات کے مطابق پنجاب کے دارلحکومت لاہور میں نجی ٹی وی رپورٹر حسنین شاہ کے قتل کے واقعے کی ابتدائی رپورٹ آئی جی پنجاب کو ارسال کردی گئی۔
ابتدائی رپورٹ میں بتایا گیا کہ حسنین شاہ گھرسے دفتر کیلئےنکلے تو شملہ پہاڑی کے قریب نشانہ بنایا گیا، انھیں دو موٹرسائیکل سواروں نے گولیاں ماریں۔
حسنین شاہ کے سینے ،پیٹ میں 8سے زائد گولیوں کے نشان ہیں ، ان کو ماہر حملہ آوروں کی مدد سے قتل کرایا گیا، حسنین شاہ کے موبائل کی سی ڈی آر بھی نکلوا لی گئی، واقعہ دیرینہ دشمنی کا شاخسانہ معلوم ہوتا ہے۔
پولیس کا کہنا ہے کہ سی سی ٹی وی فوٹیجز سے ملزمان کی گرفتاری کیلئے کوششیں جاری ہے۔
آئی جی پنجاب نے ملزمان کی فوری گرفتاری کا حکم دے دیا ہے ، مرحوم کی نماز جنازہ آج بعد نماز ظہر پریس کلب کے باہر ادا کی جائے گی۔
گذشتہ روز لاہورمیں دن دیہاڑے کیپیٹل ٹی وی کے کرائم رپورٹر حسنین کو پریس کلب کے باہر گولیاں مار دی گئیں تھیں۔
