Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 ڈسکہ: جائیداد کا تنازع کمسن بچوں سمیت 4 زندگیاں نگل گیا
پنجاب سمیت ملک بھر میں جائیداد کے تنازعے پر اہل خانہ کو موت کے گھاٹ اتارنے کے واقعات میں تواتر کے ساتھ اضافہ ہورہا ہے، جو ہمارے معاشرے کے لئے نہایت مہلک ثابت ہورہا ہے، اس طرح کے واقعات عدم برداشت کی واضح مثال بھی ہے۔
صوبہ سندھ کے علاقے پنوں عاقل میں گذشتہ سال شقی القلب شخص نے بہیمانہ طریقے سے گیارہ افراد کو قتل کرڈالا تھا، اس اندوہناک واقعے نے پوری دنیا میں پاکستانی امیج کو برُی طرح متاثر کیا تھا۔
ایسا ہی واقعہ آج سیالکوٹ کی تحصیل ڈسکہ کے نواحی گاؤں کوٹلی کوکیاں میں رونما ہوا، جہاں جائیداد کے تنازعے پر چار افراد کو قتل کردیا گیا ہے، قتل ہونے والوں میں میاں بیوی اور دو بچے شامل ہیں۔
مقامی پولیس کے مطابق قتل ہونے والوں میں عدنان نامی شخص اس کی بیوی اور دو بچے شامل ہیں، مقتول عدنان اور اس کے والد کے درمیان جائیداد کا تنازع چل رہا تھا، چاروں افراد کو گولیوں سے نشانہ بنایا گیا۔
پولیس نے کیس کا خطرناک پہلو بیان کرتے ہوئے بتایا کہ مقتول عدنان کے والد نے اپنی پہلی بیوی کو طلاق دے کر دوسری شادی کررکھی تھی، جس کے باعث آئے روز گھر میں جھگڑے ہوتے رہتے تھے۔
افسوسناک واقعے کے بعد مقتول عدنان کا والد غائب ہے، پولیس نے سفاک ملزم کی گرفتاری کی تلاش شروع کردی ہے۔
