Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
چئیرمین اورڈپٹی چئیرمین سینیٹ کے انتخابات میں کامیابی کیلیے وزیراعظم متحرک
Abdul Rehman
اسلام آباد : وزیراعظم عمران خان نے ڈپٹی چئیرمین سینیٹ کیلیے امیدوارکی نامزدگی پر مشاورت کیلئے پارٹی اور اتحادی جماعتوں کے سینیٹرز کو آج ملاقات کے لیے بلالیا جبکہ پارٹی کی کورکمیٹی کی بیٹھک بھی بلالی۔
تفصیلات کے مطابق چئیرمین اورڈپٹی چئیرمین سینیٹ کے انتخابات میں کامیابی کےلیے وزیراعظم عمران خان متحرک ہیں ، وزیراعظم عمران خان نے حکومتی اور اتحادی سینیٹ ارکان کو ملاقات کیلئے آج بلالیا ہے ، جس میں ڈپٹی چئیرمین سینیٹ کیلیے امیدوار کی نامزدگی پر مشاورت ہوگی۔
دوسری جانب وزیر اعظم عمران خان کی زیر صدارت پاکستان تحریک انصاف کی کور کمیٹی کا اجلاس آج شام 4 بجے وزیراعظم ہاؤس میں ہوگا، جس میں ملکی مجموعی سیاسی صورتحال پر غور کیا جائے گا اور دیگر امور پر بھی مشاورت کی جائےگی۔
یاد رہے گذشتہ روز وزیر اعظم نے اتحادی جماعتوں کے رہنماؤں سے ملاقات کی تھی ، ملاقات میں حکومتی اتحادی جماعتوں نے وزیر اعظم کو ڈپٹی چیئرمین کی نامزدگی کا اختیار دے دیا تھا۔
اتحادی قیادت نے ایوان بالا میں چیئرمین، ڈپٹی چیئرمین سے متعلق وزیر اعظم کے فیصلے کی حمایت کا اعادہ کیا، اور ملک کی بہتری کے لیے وزیر اعظم کے وژن کو عملی جامہ پہنانے کے لیے مکمل حمایت کا یقین دلایا۔
اتحادیوں نے چیئرمین، ڈپٹی چیئرمین سینیٹ کا انتخاب بھرپور انداز سے لڑنے کا فیصلہ کیا، اتحادی قیادت نے کہا وزیر اعظم ڈپٹی چیئرمین کے لیے جسے بھی نامزد کریں گے، وہ فیصلہ ہمیں قبول ہوگا۔
