Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
Todays News

پیپلز پارٹی آئندہ حکومت بنانے کے لیے پُرامید


کراچی : پیپلز پارٹی آئندہ حکومت بنانے کے لیے پُرامید ہے ، بلاول بھٹو زرداری کا کہنا ہے کہ موجودہ حکومت جا رہی ہے، لانگ مارچ کے ذریعے ہم حکومت کو گھر بھجوا کر دم لیں گے۔

تفصیلات کے مطابق پیپلزپارٹی کی سینٹرل ایگزیکٹو کمیٹی کے اجلاس کی اندرونی کہانی سامنے آگئی، ذرائع کا کہنا ہے کہ اجلاس میں بلاول بھٹو نے واضح کیا کیا کہ موجودہ حکومت جا رہی ہے ، پیپلزپارٹی کو اپنا ہوم ورک مکمل کرنا ہے، آئندہ حکومت پیپلزپارٹی بنائے گی۔

ذرائع نے کہا کہ بلاول بھٹو کا کہنا تھا کہ پیپلز پارٹی کوقومی،صوبائی اسمبلی کےامیدوارفائنل کرلینےچاہیئں، لانگ مارچ کےذریعےہم حکومت کو گھر بھجوا کر دم لیں گے۔

ذرائع کے مطابق اجلاس میں اراکین نے ن لیگ کیساتھ ماضی کے اتحاد کو مقبولیت میں کمی کا ذمہ دارٹھہراتے ہوئے کہا مسلم لیگ ن ہماری حریف ہے، ن لیگ کے ساتھ کیے گئے اتحاد سے پیپلزپارٹی کو سیاسی نقصان ہوا ، سب سےزیادہ نقصان پنجاب میں ہوا۔

اجلاس میں پیپلزپارٹی کوآئندہ انتخابات میں سیاسی اورمذہبی جماعتوں سے اتحاد کے مشورے دیئے گئے اور پیپلزپارٹی کے تمام الائیڈ ونگز کی تنظیم نوکافیصلہ کرلیا گیا۔

ذرائع نے بتایا پیپلز پارٹی کے تمام الائیڈونگزکےعلیحدہ علیحدہ کنونشن منعقد کیے جائیں گے، جس میں کسان کنونشن،اسٹوڈنٹس کنونشن،یوتھ کنونشن ، خواتین کنونشن،لائرزکنونشن،مزدورکنونشن کاجائزہ لیا گیا۔

ذرائع کے مطابق پیپلزپارٹی نےالیکشن مانیٹرنگ سیل کے قیام کا بھی فیصلہ کرلیا۔

Exit mobile version