Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 پنجاب پبلک سروس کمیشن پیپر لیک اسکینڈل میں بڑی پیش رفت
لاہور : اینٹی کرپشن نے پنجاب پبلک سروس کمیشن پیپر لیک اسکینڈل کے مرکزی ملزم عثمان کو گرفتار کرلیا ، ملزم ساتھیوں کے ساتھ ملکر پیپرز لیک کرتا تھا۔
تفصیلات کے مطابق پنجاب پبلک سروس کمیشن پیپر لیک اسکینڈل میں بڑی پیش رفت ہوئی ، اسکینڈل کے مرکزی ملزم عثمان کواینٹی کرپشن نے گرفتارکرلیا۔
،اینٹی کرپشن حکام کا کہنا ہے کہ ملزم کوعدالت اشتہاری قراردےچکی تھی تاہم ملزم اسکینڈل منظرعام پر آنے کے بعد روپوش ہوگیا تھا۔
حکام نے بتایا ملزم عثمان کی گرفتاری ایک بڑی کامیابی ہے، ملزم کوخصوصی ٹیم نےجیوفینسنگ کے ذریعے گرفتار کیا، ملزم کوآج ریمانڈ کے لیے عدالت میں پیش کیا جائے گا۔
حکام کے مطابق اسکینڈل کے دیگر ملزمان پہلے ہی جیل میں ہیں، ملزم ساتھیوں کے ساتھ ملکر پیپرز لیک کرتا تھا، یہ ملزمان گینگ کی صورت میں کام کررہے تھے، امیدواروں سے پیسوں کی ڈیلنگ بھی ملزمان مل کر کرتے تھے۔
اینٹی کرپشن کا کہنا ہے کہ ملزم عثمان پیپرلیک گینگ کاسرغنہ ہے،مزیدانکشافات کی توقع ہے۔
