لاہور: صوبہ پنجاب میں تجارت کے فروغ کے لیے انڈسٹریل اسٹیٹس ڈویلپمنٹ اینڈمینجمنٹ کمپنی اور بیلاروس قونصلیٹ کے درمیان معاہدہ طے پاگیا۔
تفصیلات کے مطابق پنجاب انڈسٹریل اسٹیٹس ڈویلپمنٹ اینڈمینجمنٹ کمپنی(پیڈمک) کے سی ای او علی معظم اور اعزازی قونصلیٹ جنرل بیلاروس نے معاہدے پر دستخط کردیے۔
معاہدے کے تحت دونوں ممالک کے مابین تجارت کو فروغ دیا جائے گا۔ اس کے علاوہ دونوں ممالک کے چیمبرز کے وفود کا تبادلہ بھی کیا جائے گا، بیلاروس کی جانب سے آٹو سیکٹر میں دلچسپی کا اظہار کیا گیا ہے۔
بیلاروس کے سفیر کا کہنا ہے کہ پاکستان اوربیلا روس کے درمیان برادرانہ تعلقات ہیں، دونوں ممالک آٹوانڈسٹری اور ٹریکٹرمینوفیکچرنگ میں کام کرسکتے ہیں۔
بیلا روس کے سرمایہ کاروں اور کمپنیوں کو ہرممکن تعاون فراہم کرنے کی یقین دہانی کرا دی گئی۔
