پاک بحریہ کی پاسنگ آؤٹ پریڈ آج ہوگی

کراچی :پاک بحریہ کی 116 ویں مڈ شپ مین کورس کی پاسنگ آؤٹ پریڈ آج ہوگی، اس کے ساتھ 24ویں شارٹ سروس کمیشن کورس کی پاسنگ آؤٹ بھی ہوگی۔

اس حوالے سے ترجمان پاک بحریہ کا کہنا ہے کہ تقریب میں کُل138 افسران کمیشن حاصل کریں گے، کمانڈر رائل بحرین نیول فورس تقریب کے مہمان خصوصی ہوں گے، اس کے علاوہ نیول چیف ایڈمرل محمد امجد خان نیازی بھی تقریب میں شریک ہوں گے۔

یاد رہے کہ گزشتہ روز پاک بحریہ کے لیے چین میں تیار کیے جانے والے چوتھے جدید ٹاپ 054 نیول جہاز کی لانچنگ کی تقریب رونمائی ہوئی۔

پاک بحریہ ترجمان کا کہنا ہے کہ جہاز ہر قسم کی جدید ٹیکنالوجی، جنگی آلات، اسلحے اور سینسرز سے لیس ہے۔ اسی طرز کا پہلا جہاز پی این ایس تغرل حال ہی میں پاک بحریہ کے سپرد کیا جا چکا ہے۔