Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
وفاقی کابینہ کا اجلاس کل طلب: براڈ شیٹ کمیشن کے سربراہ کی تنخواہ اور الاؤنسز کی منظوری کا امکان
Abdul Rehman
اسلام آباد : وزیراعظم عمران خان نے وفاقی کابینہ کا اجلاس کل طلب کرلیا ہے ، جس میں براڈ شیٹ کمیشن کے سربراہ کی تنخواہ اورالاؤنسز کی منظوری دی جائے گی۔
تفصیلات کے مطابق وزیراعظم عمران خان کی زیرصدارت وفاقی کابینہ کااجلاس کل ہوگا، جس میں سولہ نکاتی ایجنڈے پرغور کیا جائے گا۔
کابینہ براڈ شیٹ کمیشن کے سربراہ کی تنخواہ اورالاؤنسز کی منظوری دے گی جبکہ کابینہ سارک کوویڈ ایمرجنسی فنڈ میں رقم عطیہ کرنے اور اسٹیٹ بینک ترمیمی بل کی بھی منظوری بھی دی جائے گی۔
اجلاس میں کابینہ کو اسلام آباد میٹرو بس منصوبے پر بریفنگ دی جائے گی جبکہ کابینہ اوورسیز اپملائنٹ پروموٹرز کو نئے لائسنس جاری کرنے کی منظوری اور میجرندیم انجم کےلیےریٹائرمنٹ شق میں تبدیلی کی سمری کابینہ ایجنڈے میں شامل ہیں۔
وفاقی کابینہ نیپرا اپیلٹ ٹربیونل میں ممبر فنانس تعینات کرنے کی منظوری ، پاکستان انسٹیٹیوٹ آف ایجوکیشن بل 2021 کے مسودے کی منظوری دے گی۔
فیڈرل ایم ٹی آئی آرڈیننس کے تحت بورڈ آف گورنرز کے ارکان کی تعیناتی ، این ٹی ڈی سی کےمنیجنگ ڈائریکٹر کی تعیناتی کی منظوری ایجنڈے کا حصہ ہیں۔
کابینہ لاہور ہائیکورٹ میں سلمان ادریس کی رٹ پٹیشن پروفاقی رائے پرغورکرےگی ، پی ایس کیو سی اے کے ڈپٹی ڈائریکٹر جنرل کی تعیناتی کے حوالے سے بھی فیصلہ کیا جائے گا۔
وفاقی کابینہ اقتصادی رابطہ کمیٹی اور کابینہ کمیٹی توانائی کے فیصلوں کی توثیق کرے گی جبکہ سی پیک کمیٹی اجلاس کے فیصلوں کی توثیق کا بھی امکان ہے۔
