Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
وزیراعظم کی پشاور دھماکے میں ملوث عناصر کو انجام تک پہنچانے کی ہدایت
Abdul Rehman
اسلام آباد : وزیراعظم عمران خان نے پشاور دھماکےمیں ملوث عناصر کو انجام تک پہنچانے کی ہدایت کرتے ہوئے کہا ہے کہ سہولت کاروں تک پہنچنے کیلئے تمام ریاستی وسائل استعمال کیے جائیں۔
تفصیلات کے مطابق سیکیورٹی حکام نے پشاور دھماکے سے متعلق وزیراعظم عمران خان کو بریفنگ دیتے ہوئے واقعےسے متعلق ابتدائی تحقیقات اور حساس معلومات سے بھی آگاہ کر دیا۔
ذرائع کا کہنا ہے کہ وزیراعظم نے دھماکےمیں ملوث عناصر کو انجام تک پہنچانے کی ہدایت کرتے ہوئے کہا ہے کہ سہولت کاروں تک پہنچنے کیلئے تمام ریاستی وسائل استعمال کیےجائیں۔
اس موقع پر وزیر داخلہ شیخ رشید نے بھی واقعے کی تفصیلات سے وزیراعظم کو آگاہ کیا۔
یاد رہے وزیراعظم عمران خان نے پشاورمسجددھماکےکی مذمت کرتے ہوئے کہا تھا کہ متاثرین کے اہلخانہ کے ساتھ تعزیت کرتاہوں اور زخمیوں کی صحت یابی کے لیے دعاگو ہوں۔
عمران خان کا کہنا تھا کہ وزیراعلیٰ کےپی سے کہا ہے وہ ذاتی طور پراہلخانہ سے ملاقا ت کریں اور ذاتی طور پرآپریشنزکی نگرانی، اداروں کیساتھ رابطہ میں ہوں۔
وزیراعظم نے بتایا کہ ہمارے پاس تمام معلومات ہیں کہ دہشت گرد کہاں سے آئے، پوری طاقت کے ساتھ دہشتگردوں کا پیچھا کر رہے ہیں۔
واضح رہے پشاور کے قصہ خوانی بازار کی جامع مسجد میں نماز جمعہ کے دوران دھماکے کے نتیجے میں اب تک 62 افراد جاں بحق اور200 سے زائد زخمی ہوگئے۔
