وزیراعظم میانوالی میں موسم بہار کی شجرکاری مہم کا آغاز کریں گے

0


اسلام آباد: وزیر اعظم عمران خان میانوالی میں موسم بہار کی شجرکاری مہم کے آغاز اور غازی بروتھا میں نوجوانوں کیلئے کرکٹ گراؤنڈ کا افتتاح کریں گے۔

تفصیلات کے مطابق وزیر اعظم عمران خان میانوالی اور غازی بروتھا کا دورہ کریں گے ، جہاں وہ 10بلین ٹری سونامی پروگرام کے تحت پودے لگا کر شجر کاری مہم کے آغاز کے ساتھ ساتھ منعقدہ تقریب سےخطاب بھی کریں گے۔

دورے کے دوران وزیراعظم غازی بروتھا میں نوجوانوں کیلئے کرکٹ گراؤنڈ کا افتتاح کریں گے۔

وزیر اعظم نمل یونیورسٹی میانوالی کا بھی دورہ کرکے یونیورسٹی کے مخیر حضرات سے ملاقاتیں کریں گے جبکہ میانوالی میں اسپورٹس سٹی کا افتتاح بھی کریں گے جو پہلے منسوخ ہوچکا ہے۔

وزیراعظم کی آمد کے موقع پر سیکیورٹی کے سخت انتظامات کئے گئے ہیں جبکہ انتظامی افسران وزیر اعظم کے دورے سے قبل صفائی مہم پر پہنچ گئے ہیں۔

یاد رہے 2 روز قبل اسلام آباد میں وزیراعظم عمران خان نے موسم بہارکی شجرکاری مہم میں پودا لگایا تھا، اس موقع پر خطاب کرتے ہوئے وزیراعظم نے کہا تھا کہ ین اسلم اور ماحولیاتی تبدیلی کے لوگوں کو خراج تحسین پیش کرتاہوں، ہم زمین پر اور سوچ میں ایک تبدیلی لے کر آرہے ہیں، آئندہ نسلوں کیلئے ضروری ہے کہ اپنے طرز زندگی کو بدلیں۔

عمران خان کا کہنا تھا کہ سوچنا ہوگا کہ آئندہ 20سالوں میں ہماری نسلوں کو کیا فائدہ کیا نقصان ہوگا، درخت کاٹنے اور جنگلات ختم کرنے کے نقصانات لاہور میں واضح ہیں، پشاور اور لاہور گارڈن سٹی کہلائے جاتے تھے اور آج لاہور،پشاور میں آلودگی بچوں ،بزرگوں کیلئے بہت نقصان دہ ہے۔

LEAVE A REPLY

Please enter your comment!
Please enter your name here