Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 وزیراعظم عمران خان آج گلگت بلتستان کیلئے تاریخی ترقیاتی پیکج کا اعلان کریں گے
اسلام آباد : وزیراعظم عمران خان آج گلگت بلتستان کیلئے تاریخی ترقیاتی پیکج کا اعلان کریں گے، ترقیاتی پیکج میں پاور پراجیکٹ، سڑکوں کی تعمیر اور انٹرنیٹ فراہمی کے منصوبے شامل ہیں۔
تفصیلات کے مطابق وزیراعظم عمران خان آج گلگت بلتستان کا ایک روزہ دورہ کریں گے ،جہاں وہ گلگت بلتستان کے لیے تاریخی ترقیاتی پیکج کا اعلان کریں گے، جس میں پاورپراجیکٹ،سڑکوں کی تعمیر اور انٹرنیٹ فراہمی کے منصوبے بھی شامل ہیں۔
دورے کے دوران وزیراعظم کا جی بی کی صوبائی حیثیت سے متعلق بھی اہم اعلان متوقع ہے۔
یاد رہے گذشتہ ہفتے گلگت بلتستان میں ترقیاتی منصوبوں کے حوالے سے اجلاس میں وزیراعظم نےگلگت بلتستان کے لیے تاریخی پیکج اور ترقیاتی منصوبوں کی منظوری دیتے ہوئے انہیں بروقت مکمل کرنے پر زور دیا تھا۔
حکومت کی جانب سے گلگت بلتستان میں انٹرنیٹ سروسز کو بہتر بنا کر فور جی انٹرنیٹ سروس فراہم کرنے کا فیصلہ بھی کیا گیا تھا ، جس کے بعد وزیراعظم نے وزارت انفارمیشن ٹیکنالوجی کی جانب سے گلگت بلتستان کے لیے مجوزہ پلان کی منظوری دی تھی۔
وزیراعظم عمران خان کا کہنا تھا کہ ’گلگت بلتستان کی ترقی موجودہ حکومت کی ترجیحات میں شامل ہے، ترقیاتی منصوبوں کی تکمیل سے علاقےکے مسائل کا حل اور نوجوانوں کے لیے ملازمتوں کے مواقع پیدا ہوں گے‘۔
