Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
نسلہ ٹاور کیس : بلڈرز کی ضمانت قبل ازگرفتاری منظور
Abdul Rehman
کراچی : سیشن عدالت نے نسلہ ٹاورکیس میں بلڈرزعبد القادراورولایت خان کی ضمانت قبل ازگرفتاری منظور کرتے ہوئے 10،10لاکھ روپے کے مچلکے جمع کرانے کا حکم دے دیا۔
تفصیلات کے مطابق کراچی کی سیشن عدالت میں نسلہ ٹاورکیس میں بلڈرز کی ضمانت قبل ازگرفتاری کی درخواست پر سماعت ہوئی، سماعت میں ڈسٹرکٹ اینڈ سیشن جج نے بلڈرز عبد القادراورولایت خان کی ضمانت قبل ازگرفتاری منظور کرلی۔
عدالت کی جانب سے ملزمان کی عبوری ضمانت 22 جنوری تک منظور کی گئی۔
دوران سماعت سیشن عدالت نے ملزمان کو 10،10لاکھ روپے کے مچلکے جمع کرانے اور شامل تفتیش ہونے کا حکم دیا۔
خیال رہے نسلہ ٹاورکیس ملزمان عبد القادراورولایت خان کے خلاف تھانہ فیروز آباد میں مقدمہ درج ہے ، سپریم کورٹ کے حکم پر ملزمان کے خلاف مقدمہ درج کیا گیا۔
گذشتہ روز نسلہ ٹاورکیس میں سندھی مسلم سوسائٹی کے سابق اعزازی سیکریٹری کو گرفتار کیا گیا تھا ، پولیس کا کہنا تھا کہ سندھ مسلم سوسائٹی نےمزمل درزی نامی شخص کو غیرقانونی قبضہ دیا،سوسائٹی اوردیگراداروں کی ملی بھگت سے سروس روڈپرقبضہ کرایاگیا۔
تفتیشی افسر نے عدالت کو بتایا ملزم نویدبشیر سے اہم معلومات اوردستاویزات ملنےکاامکان ہے، ملزم شاطر اور چالاک ہے، تفتیش کیلئے ریمانڈ دیا جائے، جس پر جوڈیشل مجسٹریٹ نےملزم کو21جنوری تک ریمانڈپرپولیس کےحوالے کردیا۔
