ملتان کارڈیالوجی اسپتال میں شہری سے بدسلوکی و ہراسگی کی ویڈیو وائرل ہوگئی

0


ملتان : کارڈیالوجی اسپتال کے عملے نے ماں کے علاج کےلیے آنے والے شہری سے بدسلوکی کرکے ویڈیو بنا ڈالی۔

تفصیلات کے مطابق شہری کے ساتھ بدسلوکی کا شرمناک واقعہ پنجاب کے شہر ملتان میں واقع کارڈیالوجی اسپتال میں پیش آیا، جہاں عملے نے شہری کو ہراساں کرکنے کی ویڈیو وائرل ہوگئی۔

شہری کو کارڈیالوجی اسپتال میں ہراساں کیا گیا اور اٹھک بیٹھک بھی کرائی گئی۔

متاثرہ شہری کا کہنا ہے کہ والدہ عارضہ قلب میں مبتلا ہے اسی لیے والدہ کا چیک اپ کرانے کارڈیالوجی اسپتال گیا تھا، وہاں سینٹری انسپکٹر اور دیگر افراد نے دو ہزار روپے طلب کیے۔

شہری نے بتایا کہ پیسے نہ دینے پر عملے کی جانب سے گالیاں دی گئیں اور اٹھک بیٹھک کراکر ویڈیو بنائی گئی۔

ذرائع کا کہنا ہے کہ شہری سے بدسلوکی کے خلاف ملتان کارڈیالوجی اسپتال میں شدید احتجاج جاری ہے۔

LEAVE A REPLY

Please enter your comment!
Please enter your name here