Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 مشن ورلڈکپ: انڈر 19 ٹیم ویسٹ انڈیز روانہ
لاہور: انٹرنیشنل کرکٹ کونسل (آئی سی سی ) مینز انڈر 19 ورلڈ کپ میں شرکت کے لیے پاکستان انڈر 19 اسکواڈ ویسٹ انڈیز روانہ ہوگیا۔
تفصیلات کے مطابق انٹرنیشنل کرکٹ کونسل (آئی سی سی ) مینز انڈر 19 ورلڈ کپ میں شرکت کے لیے پاکستان انڈر 19 اسکواڈ ویسٹ انڈیز روانہ ہوگیا، ایشیا کپ میں شرکت کے بعد گرین شرٹس آج دبئی سے بذریعہ مانچسٹر پھر برج ٹاؤن ویسٹ انڈیز کے لیے روانہ ہوا۔
عبدالوحد بنگلزئی کورونا ٹیسٹ مثبت آنے کے سبب اسکواڈ کے ہمراہ سفر نہ کرسکے، وہ 10 روز دبئی میں آئیسولیشن میں گزاریں گے جبکہ غازی غوری اور محمد ذیشان پہلے ہی بطور ٹریول ریزرو اسکواڈ کے ہمراہ موجود ہیں۔
آئی سی سی مینز انڈر 19 ورلڈ کپ 14 جنوری سے شروع جبکہ فائنل پانچ فروری کو شیڈول ہے، قومی ٹیم اپنا پہلا میچ 15 جنوری کو پاپوا نیو گنی کے خلاف کھیلے گی۔
واضح رہے کہ انڈر 19 ایشیا کپ کے سیمی فائنل میں سری لنکا نے پاکستان کو 22 رنز سے شکست دے کر ٹورنامنٹ سے باہر کردیا تھا۔
ایشیا انڈر 19 کپ کی خاص بات یہ تھی کہ پاکستان نے روایتی حریف بھارت کو گروپ میچ میں سنسنی خیز مقابلے کے بعد شکست سے دوچار کیا تھا۔
