Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
ماہ رمضان : عوام کی سہولت کیلئے یو اے ای حکومت کا مثالی اقدام
Abdul Rehman
دبئی : ماہ رمضان کے دوران یو اے ای کے تمام جنرل اسٹوروں پر اشیائے خور د ونوش بہت سستے نرخ پر ملیں گی۔ اس کے علاوہ سبزی اور پھل وغیرہ پر بھی حکومت نے خصوصی رعایت دینے کا فیصلہ کیا گیا ہے۔
تفصیلات کے مطابق متحدہ عرب امارات بھر کے اسٹورز ماہ رمضان کے دوران چاول، گوشت اور چینی سمیت کھانے پینے کی اشیاء پر 25سے 75 فیصد رعایت دی جائے گی۔
سرکاری نیوز ایجنسی نے اماراتی وزارت معیشت کے حوالے سے بتایا ہے کہ نئے قواعد پر عمل درآمد کا جائزہ لینے کے لیے 420 معائنے کیے جائیں گے۔
وزارت معیشت کے شعبہ کمپٹیشن اور کنزیومر پروٹیکشن کے ڈائریکٹر مروان السبوسی نے میڈیا بریفنگ میں بتایا کہ اس حوالے سے وزارت کے حکام نے تاجروں سے ملاقات کی اور انہیں اشیا کی قیمتوں میں اضافے کے خلاف تنبیہہ کی۔
انہوں نے کہا کہ افسران نے ابو ظبی اور دبئی میں پھلوں اور سبزیوں کی مارکیٹوں کے نمائندوں سے ملاقات کی تاکہ رمضان میں اشیائے خور و نوش دستیاب رہیں۔
ڈائریکٹرالسبوسی کے مطابق صارفین کے تحفظ کے لیے کئی اقدامات کا جائزہ لیا گیا ہے۔ دبئی میں رمضان کے دوران روزانہ17 ہزار ٹن جبکہ ابو ظبی میں 5 ہزار ٹن سبزیاں اور پھل درآمد کیے جاتے ہیں جبکہ اس وقت ان کا دستیاب ذخیرہ تقریباً ایک لاکھ 30 ہزار ٹن ہے۔
