Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 فیصل واوڈا کی سینیٹر شپ کا نوٹی فکیشن روکنے کی استدعا مسترد
اسلام آباد : الیکشن کمیشن نے فیصل واوڈا کی سینیٹرشپ کا نوٹی فکیشن روکنے کی استدعا مسترد کرتے ہوئے فیصل واوڈا سے تحریری جواب طلب کرلیا۔
تفصیلات کے مطابق الیکشن کمیشن نے فیصل واوڈا کی سینیٹر شپ کا نوٹی فکیشن روکنے کی استدعا مسترد کرتے ہوئے رشید اے رضوی کو فریق بننے کی درخواست منظور کرلی، فیصل واوڈا نے رشید اے رضوی کا نوٹس وصول کرنے کی ہامی بھر لی۔
الیکشن کمیشن نے پاکستان تحریک انصاف کے رہنما فیصل واوڈا سے تحریری جواب طلب کرلیا، جس پر فیصل واوڈا نے کہا اگلی تاریخ دیدیں مکمل جواب دیں گے۔
الیکشن کمیشن کے رکن نے سوال کیا کیا آپ اگلی سماعت پر آئیں گے ؟ جس پر فیصل واوڈا نے کہا پ سو بار بلائیں میں آؤں گا۔
گذشتہ روز کابینہ ڈویژن نے فیصل واوڈا کو وفاقی وزیر کے عہدے سے ڈی نوٹیفائی کرنے کا نوٹیفکیشن جاری کیا تھا ، جس میں کہاتھا کہ سبکدوشی کا اطلاق 3مارچ2021 سے ہوگا۔
خیال رہے فیصل واوڈا نے 3 مارچ کو سینیٹ کی جنرل نشست کے انتخابات میں کامیابی حاصل کی تھی، جس میں حکمران پاکستان تحریک انصاف ایوان بالا میں سب سے بڑی جماعت بن کر ابھری تھی، انہوں نے سینیٹ انتخابات میں اپنا ووٹ کاسٹ کرنے کے بعد این اے کی رکنیت سے استعفیٰ دے دیا تھا۔
