فیصلوں پرعملدرآمد شروع ، پنجاب سے کالعدم تحریک لبیک کے 800 سے زائد کارکنوں رہا

لاہور : پنجاب سے کالعدم تحریک لبیک کے 800 سے زائد کارکنوں کو رہا کردیا گیا ، پہلے مرحلے میں ان کارکنوں کو رہا کیا جائے، جو براہ راست تشدد میں شامل نہیں۔

تفصیلات کے مطابق اسٹیئرنگ کمیٹی اجلاس میں بڑے فیصلوں پرعملدرآمد شروع ہوگیا ، محکمہ داخلہ پنجاب نے بتایا پنجاب بھر سے کالعدم تحریک لبیک کے گرفتار 860افرادکو رہا کردیا گیا۔

محکمہ داخلہ پنجاب کا کہنا ہے کہ جن افراد کے خلاف کیسز نہیں تھے ان کو رہا کردیا گیا، جن افراد کے خلاف کیسز ہیں ان کو رہا نہیں کیا جارہا۔

یاد رہے اسٹیرنگ کمیٹی کے دوسرے اجلاس کے بعد کارکنوں کی رہائی کا فیصلہ کیا گیا تھا ذرائع محکمہ داخلہ کا کہنا تھا کہ پنجاب سےکالعدم تحریک لبیک کے 800سےزائدکارکنوں کو رہا کیا جائے گا۔

ذرائع نے بتایا تھا کہ پہلے مرحلے میں ان کارکنوں کو رہا کیا جائے، جو براہ راست تشدد میں شامل نہیں، رہائی پانیوالے کارکنوں کو نقص امن کے پیش نظر حراست میں لیا گیا تھا۔

اجلاس میں مفرورملزمان،16ایم پی اوکےتحت مقدمات پرغور کیا گیا، شیڈول فور میں مطلوب ملزمان کی قانونی پوزیشن کا جائزہ لیا گیا ، کالعدم تنظیم کے رہنماؤں اور کارکنان پر 22اکتوبر کے بعد مقدمات زیربحث آئے۔