Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
جنوبی افریقہ کے سابق کپتان فاف ڈو پلیسی نے ٹیسٹ کرکٹ سے ریٹائرمنٹ کا اعلان کردیا۔
جنوبی افریقہ کیلیے 69 ٹیسٹ میچز میں 4ہزار سے زائد رنز بنانے والے 36 سالہ کرکٹر نے ریٹائرمنٹ کا اعلان سماجی رابطے کی سائٹ انسٹاگرام پر کیا۔
فاف ڈو پلیسی نے اپنی ریٹائرمنٹ کے حوالے سے لکھا کہ، ’کرکٹ کے تمام فارمیٹ میں جنوبی افریقہ کی نمائندگی کرنا میرے لیے اعزاز کی بات ہے لیکن اب وقت آگیا ہے کہ میں ٹیسٹ کرکٹ سے ریٹائرمنٹ لوں‘۔
فاف ڈوپلیسی تینوں فارمیٹ جنوبی افریقہ کی قیادت کے فرائض سرانجام دے چکے ہیں، پلیسی کی کپتانی میں جنوبی افریقہ نے 36 ٹیسٹ میچز میں سے 18 میں کامیابی حاصل کی۔
کیرئیر کے 8 سالہ دور میں ڈوپلیسی نے 10 سنچریاں اور 21 نصف سنچریاں اسکور کیں اور 40.02 کی اوسط سے ٹیسٹ کرکٹ میں 4 ہزار 163 رنز اسکور کیے۔
ڈو پلیسی نے نومبر 2012 میں آسٹریلیا کیخلاف ایڈیلیڈ کے مقام پر ڈیبیو کیا اور پہلے میچ میں سنچری اسکور کی۔
