Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
سینیٹ انتخابات : کاغذات نامزدگی جمع کرانے کا آج آخری روز
Abdul Rehman
اسلام آباد : سینیٹ انتخابات کیلئے کاغذات نامزدگی جمع کرانے کا آج آخری روز ہے ، 100 امیدوار اب تک کاغذات نامزدگی جمع کراچکے ہیں، نامزد امیدواروں کی فہرست 16 فروری کو جاری ہوگی۔
تفصیلات کے مطابق سینیٹ انتخابات کیلئے کاغذات نامزدگی جمع کرانے کا آج آخری دن ہے ، کاغذات نامزدگی آج شام 5 بجے تک جمع کرائے جاسکتے ہیں۔
الیکشن کمیشن کا کہنا ہے کہ سینیٹ انتخابات کاغذات نامزدگی جمع کرانے والے امیدواروں کی تعداد 100 ہوگئی ، جنرل نشستوں پر 51 امیدواروں ، ٹیکنوکریٹ نشستوں پر 18امیدواروں نے کاغذات نامزدگی جمع کرائے جبکہ خواتین نشستوں پر 23 اور اقلیتی نشستوں پر 8 امیدوار سامنے آئے۔
اسلام آباد میں ابتک 6 کاغذات نامزدگی جمع کرائے جاچکے ہیں ، عمومی نشستوں پر3 جبکہ خواتین کی نشستوں پر بھی 3 کاغذات نامزدگی جمع کرائے گئے۔
پی ٹی آئی کےعبدالحفیظ شیخ،فوزیہ ارشدکی جانب سے کاغذات نامزدگی جمع کرائےگئے جبکہ پیپلزپارٹی کےیوسف رضاگیلانی اور ن لیگ کےطارق فضل کاغذات جمع کراچکے ہیں اور ن لیگ کی جانب سےامیدوارفرزانہ اور فرح ناز بھی کاغذات نامزدگی جمع کراچکی ہیں۔
کاغذات نامزدگی کی تاریخ13سےبڑھاکر15فروری کی گئی تھی ، نامزد امیدواروں کی فہرست 16 فروری کو جاری ہوگی ، کاغذات نامزدگی کی جانچ پڑتال 17 تا 18 فروری تک کی جائے گی جبکہ کاغذات پر اپیلیں 20 فروری تک دائر ہوسکیں گی۔
الیکشن کمیشن کی جانب سے 23 فروری تک تمام اپیلوں کو نمٹا دیا جائےگا ، 24 فروری کو امیدواروں کی حتمی فہرست جاری ہوگی ، 25 فروری تک امیدوار کاغذات نامزدگی واپس لے سکیں گے جبکہ سینیٹ انتخابات کیلئے پولنگ 3 مارچ کو صبح 9 سے شام 5 بجے تک ہوگی۔
