سینیٹ انتخابات سے متعلق صدارتی ریفرنس، پیپلز پارٹی سپریم کورٹ پہنچ گئی

0


پیپلز پارٹی پارلیمنٹیرین نے صدارتی ریفرنس کے خلاف سپریم کورٹ سے رجوع کر لیا۔سینیٹ انتخابات اوپن بیلٹ سے کرانے سے متعلق صدارتی ریفرنس کے خلاف پیپلز پارٹی نے سپریم کورٹ میں درخواست دائر کر دی۔ درخواست فرحت اللہ بابر اور فاروق ایچ نائیک کے توسط سے جمع کرائی گئی۔

درخواست میں مؤقف اختیار کیا گیا ہے کہ سینیٹ انتخابات آرٹیکل 226 کے تحت ہوتے ہیں اور 26ویں آئینی ترمیم کا بل پارلیمنٹ میں زیرالتوا ہے اور آئینی ترمیم کی ناکامی پر حکومت نے اپنا مؤقف تبدیل کیا۔

درخواست میں کہا گیا کہ حکومتی ریفرنس سیاسی مقاصد کے لیے دائر کیا گیا ہے اور سپریم کورٹ سے استدعا ہے کہ صدارتی ریفرنس واپس بھجوا دے۔

درخواست میں عدالت سے استدعا کی گئی کہ سینیٹ انتخانات آئین کے مطابق ہونے چاہیئیں۔

حکومت کی جانب سے سپریم کورٹ میں دائر درخواست میں کہا گیا تھا کہ خفیہ ووٹنگ کی وجہ سے سینیٹ الیکشن کے بعد شفافیت پر سوال اٹھائے جاتے ہیں۔

LEAVE A REPLY

Please enter your comment!
Please enter your name here