سندھ حکومت کا کورونا ویکسین کی ایک کروڑ ڈوز منگوانے کا فیصلہ
Abdul Rehman
محکمہ صحت سندھ نے کورونا ویکسین کی10ملین ڈوز منگوانےکا فیصلہ کر لیا۔
تفصیلات کے مطابق ویکسین کی خریداری کافیصلہ صوبائی ٹاسک فورس اجلاس میں کیاگیا جس کی صدارت وزیر اعلیٰ سندھ مراد علی شاہ نے کی۔
حکومت سندھ کی جانب سےایک کروڑ ڈوزز کی ایڈوانس بکنگ متوقع ہے۔ چینی ویکسین کین سائینو کی خریداری کےلیےسندھ حکومت نے فارما کمپنی سے رابطہ کیا ہے۔
اس سلسلے میں محکمہ صحت سندھ نےکین سائینوبائیوویکسین کے لیےفارماکمپنی کوخط لکھا ہے جس میں ویکسین کی ڈلیوری کاشیڈول، قیمت اور دیگر تفصیلات مانگی گئی ہیں۔
خط کے مطابق ویکسین کی خریداری سیپرا قوانین کے مطابق کی جائےگی اور ویکسین کین سائینوبائیو کی ایڈوانس بکنگ کی جائے گی۔
خط میں کہا گیا ہے کہ ویکسین کی10ملین ڈوزکےلیےابھی سےایڈوانس بکنگ کرلی جائے۔
