سعودی عرب: بیرون ملک اداروں کو عطیات دینے کے حوالے سے ہدایات

ریاض: سعودی پبلک پراسیکیوشن نے بیرون ملک موجود اداروں کو عطیات دینے کے حوالے سے ہدایات جاری کی ہیں۔

سعودی ویب سائٹ کے مطابق سعودی پبلک پراسیکیوشن نے شہریوں اور مقیم غیر ملکیوں کو بیرون ملک نامعلوم اداروں کو عطیات دینے سے خبردار کیا ہے۔

ادارے نے کہا ہے کہ سعودی عرب کے قوانین کے مطابق ایسا کرنا جرم ہے، جو شخص بیرون ملک موجود نامعلوم اداروں کو عطیات دے گا اس سے مواخذہ ہوگا۔

پبلک پراسیکیوشن نے کہا ہے کہ بیرون ملک عطیات دینے کے خواہش مندوں کو چاہیئے کہ وہ کنگ سلمان سینٹر برائے انسانی امداد سے رابطہ کریں۔

پراسیکیوشن کے مطابق سعودی عرب میں یہی واحد اجازت یافتہ ادارہ ہے جو بیرون ملک انسانی کاموں کے لیے عطیات جمع کرنے کا مجاز ہے۔